INILABAS na ang line-up ng upcoming movies ng Regal Entertainment. Napansin ng entertainment press na si Solenn Heussaff ang isa sa may pinakamaraming pelikulang gagawin. Ito’y kung hindi mapapalitan ang naka-line up na mga pelikula at ‘di mapapalitan ang cast.

Sina Solenn at Zanjoe Marudo ang magkasama sa horror movie na “Misteryosa” to be directed by Richard Somes. Leading lady din siya ni Ogie Alcasid sa “Boy Pick-Up” na co-produced ng Regal at GMA Films. Nasa cast din siya ng “Super Mao” together with Venus Raj, Isabelle Daza, Alodia Gosiengfiao, Ervic Vijandre, Kerbie Zamora, at JC Tiuseco, sa direction ni Marlon Rivera.

Si Lovi Poe lang ang pumantay kay Solenn sa rami ng gagawing pelikula sa Regal. Uunahin nitong gawin sa April ang “Love Affair” katambal si Enrique Gil at sa direction ni Alvin Yapan.

Sa “Ride to Love,” kasama ni Lovi sina Shaina Magdayao, Nikki Gil, Denise Laurel, Fabio Ide, Ervic Vijandre and JC Tiuseco, sa direction ni Adol Alix, Jr. Magkasama naman sina Lovi at Jennylyn Mercado sa “The Bride and the Love” with Joel Lamangan at the helm.

(x)